PUTUS HUBUNGAN PACARAN

Medan, 01 may 2011

To            : MARLINA MANIK

                                DI

                        TEMPAT

Sai Tuhan Debata Ma Na Mandongani Hita Manang Na Didia Pe Maringanan

# AMIN #

Salam Hormat,

Ia nahudok tu ho Marlina, Ondo, ia molo taringot tu hata pandokmu na tu au na di ari Minggu, 01 Mey 2011 nunga be tangkas hubege jala hutangihon sian Handphone, ima naung Martunangan manang pe marhubungan ho tu si Doli na ti nodo ni roham

                Au pe ias ma roha’ku di sude nasa pandok’mi tu au, jala au pe dang si pangambati diakka na pinangido ni roham, nunga tung ias  be roha’ku disi, Alai on do sidohononku molo songon tu ho, sotung adong  panolsolion’mu di pudian ni ari di naung namarsirang hita sian hubungan nahea hita Marhamlet ± 3 taon. Sai gabe ma hamu nadua manang na tu dia pe hamu mangalakka. Unang adong be nian tubu di hamu akka parsalisihan songon dia naung tadalani ± 3taon hubunganta. Sai na gabe maranak marboru ma hamu molo dung dapot tikki na dumenggan di ari-ari si dalanan muna tu ari sogot.

                Molo au nian tung mansai borat do roha’ku paborhathon ho tu di doli na asing, alai beha ma jolo bahenon, nunga tung di tuntun ho nasa lomo ni roha’mu, au pe dang dia be dohonon’ku. Holan Tuhan sambing  do Na marsakkap di ngolu ta on, dang holan daging ta be na boi manggogohon ikkon Hita na gabe marrokkap. Jala au pe patulusonku ma roha’ku di na laho mangalului akka na huparsitta nasalelengon.

                Sai Tuhan ma tottong na mangalehon pangurupion di au asa tung boi dapot tu na songon ho, ima, na burju marnatua-tua, mariboto, suang songoni nang namardongan dohot akka na asing nai dope. Jala au marpangidoan tu ho asa tong dongani au dibagasan tangiang asa tung tiur - tiur sude na pardalanan ni ngolu’ku suang songoni pe nang ho tong do tangiangkononku.

                Jala sidohonon’ku tu ho, di sude akka hahurangan’ku tu ho di tikki pardalanan ni hubunganta na gabe mambahen pangkilalaan’mu hurang tabo, mangido au tu ho asa unang tarsunggul be di pudian ni ari jala salpuhon mai sian bagas roham. Martangiang au tu Tuhan asa unang marsapata be sude nasa hahuranganku tu ho. Sahala ni Tulang pe sai unang ma marnidok tu au, alana dang na au be na manuntun lomo di parsirangan ta on.

                Sidoli I pe sotung bahen haccit rohana, sae ma holan au baoa namandongani ho namarhaccit roha, ate-ate manang pangkilalaan’ku alani pambahenan’mu tu au si doli na so mar arga on. Sai Gabe Ma Hamu Nadua.

                Songoni ma jolo Hata pandohan sian au, anggiat ma marbikkas sian on gabe tubu di Hita Roha naimbaru suang songoni pangalaho na lobi tama na laho  mandalani ngolu ta be siganup ari.

TUHAN YESUS MEBERIKAN JALAN TERANG BAGI KITA SEMUA

Tuhan Yesus Memberkati,  Sekarang Sampai Selama-lamanya.

HORAS … HORAS … HORAS

Salam dari saya,

Maludin Tamba

Nb:          Sude akka tanda mata cinta na hulean si naujui tu ho, Bolokkon mai songon parsae ni holong ni roha’ku tu ho.